martes, abril 21, 2009
AS BASES PERMANENTES NOS CONCURSOS DE PAS FUNCIONARIOS
Conseguir nos concursos unha valoración de méritos estable e publicada na web como garantía de permanencia, é un dos obxectivos da nosa sección sindical desde sempre, tal e como manifestamos en numerosas ocasións, así como no noso programa electoral. A publicación dunhas bases estables permite aos funcionarios a posibilidade de proxectar no tempo a súa carreira profesional sabendo de antemán as valoracións e, ao mesmo tempo, evita posibles manipulacións oportunistas que favorezan intereses de persoas o colectivos concretos segundo a conxuntura política.
Para conseguir definitivamente este obxectivo é preciso redactar unhas bases permanentes que, respectando ao máximo posible as bases da última convocatoria, estean en consonancia co modelo de universidade que requiren os novos tempos.
- Impulsando a formación como principal ferramenta para a reciclaxe profesional do PAS, mellora de competencias e ampliación de coñecementos, incorporando un factor de temporalidade na puntuación dos cursos.
- Incluíndo na valoración de méritos as novas titulacións académicas derivadas da integración no EEES así como segundas titulacións que as/os traballadoras/es posúan.
- Valorando a aprendizaxe de linguas estranxeiras.
- Despenalizando na valoración da antigüidade a mobilidade entre as universidades (como mínimo entre as universidades galegas)
Proposta de CC.OO:
Conservar as bases da última convocatoria, con excepción dos apartados de: formación, lingua e antigüidade, para os que vos achegamos as seguintes propostas de mellora.
FORMACIÓN ESPECÍFICA
- 0,004 puntos por hora en cursos con diploma de asistencia
- 0,008 puntos por hora en cursos con diploma de aproveitamento
b) Cursos realizados con anterioridade:
-0,001 puntos por hora en cursos con diploma de asistencia
-0,002 puntos por hora en cursos con diploma de aproveitamento
Motivacións:
Incentivar aos funcionarios a continuar a súa formación, primando os cursos realizados nos últimos 5 anos, co fin de impulsar a reciclaxe profesional, ampliación de coñecementos e mellora de competencias.
TITULACIÓNS
Grao: 0,75 puntos
Máster: 0,15 puntos sobre a titulación de acceso ao máster
2ª titulación: 0,10 puntos, sempre e cando a 2ª titulación sexa de igual nivel que a primeira.
Incluír as novas titulacións universitarias e completar o actual apartado valorando tamén as segundas titulacións, como parte do proceso formativo do funcionario, fomentando así a aprendizaxe ao longo da vida.
LÍNGUAS
CELGA 4 ou curso de perfeccionamento:0,50 puntos
CELGA 5: 0,75 puntos
Linguaxe administrativo nivel medio: 1 punto
Linguaxe administrativo nivel superior: 1,50 puntos
Linguas estranxeiras:
Nivel intermedio: 0,25 puntos
Nivel avanzado: 0,50 puntos
Motivacións:
Os diplomas ou títulos que se puntuarán serán os expedidos por centros oficiais (EOI, Centro de linguas da UDC, etc…)
-Reciprocidade: as outras universidades galegas que non priman a antigüidade na universidade de orixe.
A nosa proposta inclúe que estas bases permanentes se poñan en coñecemento de todas e todos en canto se aproben para que, como diciamos, as/os traballadoras/es teñan tempo de formarse e renovar cadanseu currículo. Así pois, non entrarían aínda en vigor para o vindeiro concurso, no que se seguirían coas bases actuais.
Etiquetas: PAS-F